अन्तर्राष्ट्रिय कलाकार मँच, यूरोप महाशाखाका अध्यक्ष दयाराम पौड्यालले महाशाखाको तर्फबाट केन्द्रलाई दिनुभएको जानकारी र जारी गर्नुभएको प्रेस बिज्ञप्ती अनुसार मँचको शाखाबाट बर्खास्त भैसकेका लक्ष्मण जोशी र हाल मँचबाट बिदा भैसकेका उज्वल केसीले मँचको लोगो र नाम दुरुपयोग गरी यस संस्थाको हित बिपरित कार्य गरिरहेको, भ्रम छरिरहेको, बर्खास्त भैसकेको मान्छेले शाखाको नाममा फेसबुक च्याट चलाइरहेको
प्रति मँच अत्यन्त गम्भीर छ । महाशाखाको अनुरोध अनुसार निज जोशी र केसीलाई शाखाबाट गरिएको कार्वाही अनुमोदन गर्दै निजहरुले नाम जोडेका संस्थाका केही अन्य सदस्यहरुलाई पनि तत्काल आफ्नो स्थिती महाशाखा अध्यक्ष दयाराम पौड्याल सँग क्लियर गर्न सचेत गराइन्छ ।
मँचका बिरुध्द भ्रम फैलाउने, फेसबुकमा मँचको नक्कली अाइडीमा चलखेल गर्ने कार्य तुरुन्त रोक्न मँच आग्रह गर्दै यूरोप
महाशाखालाई तत्काल त्यस शाखामा देखिएको बिबाद सुल्झ्याउन निर्देश गर्दछ । यदी यो आग्रहलाई बेवास्ता गरेमा मँचले कडा कदम चल्न वाध्य हुने कुरा सम्बन्धितहरुलाई पुन स्मरण गराइन्छ । धन्यवाद ।
- अन्तर्राष्ट्रिय कलाकार मँच, अमेरिका
****************************************************************************
अन्तर्राष्ट्रिय कलाकार मञ्च युरोप महाशाखाद्वारा शाखामा देखिएको बिबाद बारे स्पस्ट पार्न अध्यक्ष दयाराम पौड्यालद्वारा जारी प्रेस बिज्ञप्ती
आफु मात्र कलाकार र अरु सबैलाई मानब तस्कर हुन् भन्दै दुई बर्ष महा सचिब र पछिल्लो चार बर्ष अध्यक्ष भएर केही काम गर्न नसकेका, पछिल्लो पटक उनकै अध्यक्षतामा भएको भेला बाट हटाइएका अन्तराष्ट्रिय कलाकार मञ्च युरोप महाशाखाका भूतपुर्ब अध्यक्ष उज्ज्वल केसीको उक्साहट र सँलग्नतामा युरोप महाशाखाले केही दिन अघि नियम बिपरित काम गरेकाले बर्खास्त गरेका महासचिब लक्ष्मण जोशीले भ्रमपूर्ण तरिकाले फेसबुक र अनलाइनहरुमा मँच बिभाजन भएको भन्ने भ्रमपूर्ण हल्ला चलाएकोले सो निन्दनिय कार्यको भ्रत्सना गर्दै उज्ज्वल केसी र लक्ष्मण जोशी दुबै मँचको युरोप महाशाखाको कुनै पदमा नरहेको र वहाँहरु दुबै जनालाई संस्थाको छबी माथि हिलो छ्याप्ने दुस्साहस नगर्न युरोप महाशाखा चेतावनी दिन चाहन्छ । यस प्रकारको वहाँहरुको भ्रममा नपर्न र मँचको केन्द्रलाई समेत बिबादमा तान्न केसी र जोशीले गरेको दुस्प्रयासबाट सजक रहन मँचका महाशाखा र नजिकमा रहेका शाखाहरु सँग युरोप महा शाखा हार्दिक अनुरोध गर्दै यस्ता गुटबन्दी गर्ने, संस्थामा समेत नरहेका ब्यक्ती बाट सचेत रहन सम्बन्धित सबैमा युरोप महाशाखा आग्रह गर्दछ ।
* दयाराम पौड्याल - अध्यक्ष
अन्तराष्ट्रिय कलाकार मञ्च युरोप महाशाखा
